PREGHIERA DI SAN BERNARDO alla Vergine Maria
(nella traduzione in milanese di Giuseppe Monga)
Vergin e Mader, tosa del tò fioeu stess,
umil e pur maggior d'ogni creatura,
destinada in eterno a 'sto possess.
Tì te sé quella che nostra natura
l'ha nobilitaa talment ch'el so Creator
l'ha minga disdegnaa a fass soa fattura.
In del tò sen ghe s'è riacces l'amor
per el calor del qual l'eterna pas
l'ha prima germogliaa e fà nass 'sto fior.
Chi in mezz a nunch te sé quell so che pias
e cress l'amor, e giò in mezz ai mortal
la sorgent che a ben sperà fà persuas.
Madonna, te se' tant forta contra 'l mal
che chi voeur grazi e a Tì non voeur ricorr,
G'hann la pretesa de volà senz'i àl.
La tua bontà la 'riva oltre al soccorr
quej che te prega, a spingess pussè in là,
liberament, senza cercarti lor.
Gh'è in Tì misericordia, in Tì pietà.
in Tì magnificenza, in Tì riunii
tutt quant in creatur gh'è de bontà
Ora quest, che giò l'ha vist i maledii
insema a Lucifer, e poeu fin chì su,
a voeuna, a voeuna, i anim benedii
el Te supplica, per grazia a dagh virtù,
tant de podè coll'anima levass
fina all'Altissim, vers el tò Gesù.
E mì c'ho mai desideraa spegiass
in Dio inscì tant, per lù tutt i preghier
te offri, e te preghi non sien de scartass,
perchè t'abbiet d'illuminagh el penser
e la vista mortal per Toa intercession,
de moeud ch'el poda ved el gran mister.
E anmò Te preghi, o Regina, in'st'occasion,
-Tì che te podet tutt - a conservagh san,
el coeur e la ment, dopo questa vision.
Tì protehggel anca di insidi uman:
Guarda Beatrice con quanti beaa
unii ai mè preghier i giungen i man!
