L'AMICIZIA
Te 'l see se l'è la gòtta de la rosada
che morisna* in sul nass l'ultim germoeuj?
L'acqua d'on fontanin,
l'ombra fresca di foeuj se 'l sô l'è alt?
Te 'l see se l'è la fiamma benedetta
che te deslengua* el frecc intorna 'i oss;
la lus de quell lumin
che in del fòsch* de la sera
la ris'ciara i tò pass in fond al bósch?
Te 'l see se l'è la porta spalancada,
la man slongada* a medegà on fastidi,
la carezza gentil
d'ona vos che rispond de là del fil?...
Se col penser te cerchet la risposta,
sara i oeucc on moment:
la famm, la set, el frecc, i tribuleri*
pararan* nò inscì gramm
se intorna a tì, in d'on ciel quattaa de gris,
te vedaree la faccia d'on amis.
