CASTEGNACCIA
Delizia di bagaj la castagnaccia
la fuma in la padella del toscan*
cont on profumm tant bon ch’el ven a la faccia
’me ona ventada calda, de lontan.
La castegnaccia o, pussee curt, la gnaccia,
la gnassa, in del linguagg di baltrescan*,
non l’era in fin di cunt che ona “focaccia”
che se vendeva in strada chi a Milan.
Oh, castegnaccia!… Oh, temp de l’etaa bella,
senza penser né rugh, temp benedetto,
podess tornà ancamò con la cartella,
a corr dopo la scoeula, via diretto,
per girondagh attorna a la padella
e domandà ancamò: “Gigi, el pezzetto”.