PREGHIERA DEL BONUMOR (Libera riduzione in dialetto milanese)
O Signor, damm ona bona digestion
e anca on quaicoss da digerì.
Damm la salutt del còrp,
cont'el bonumor necessari a mantegnil.
O Signor, damm on'anima santa,
che la faga tesòr de quèll che l'è bon e s'cètt,
e che la gh'abbia nò de stremiss di peccaa,
ma che la troeuva a la Toa presenza
la manera de mett anmò i roobb al sò post.
Damm on'anima che la conossa nò de fastidi,
de brontolament, de sospir, de lament
e fa in manera che mì me casci no tropp
de quella ròba tanto invadent che la se ciama "io".
O Signor, damm el sens de l'umorismo,
famm la grazia de capì on schèrz,
dec manera che ne la vita mì abbia on poo de giòia
de podé spartì anca cont i alter.
