MONTAGNETTA SACRA SU' SAN SIR
Oh Montagnetta Sacra sù San Sir!
Tomba de guerra di cà de Milan.
Calvari de lagrim d'on fosch regir
de stòri pietos de nun ambrosian.
Spin sanguanent de magon e sospir,
de carna sferlada, de vitt de can,
d'ingann, famm e paur, senz'on respir,
lòtt tra fradei, speranz senza el doman.
Oh Signor del ciel, padron sù la terra!
Per tutt el pròssim, per on ben supremm...
scancella, scancella... la guerra!
De bon fradei, intanta nun metemm
sui cimm de quell Calvari, on gran cartell
con sù scritt: ZONA SACRA... Giò 'l capell!
