DON GIULI
Al sur don Giuli Ferrari su a Castelmart
El vin l'è quell'oggett in d'ona cà,
appena miss a mann,
che, reverissi, el va
e in conseguenza ghe ne resta pù;
per quest ch'el compatissa
se prima ch'el finissa
on gott tant per saggiall gh'en mandi su;
el qual l'è propri malappenna on gott,
oltra ch'el dev varì pocch o nagott,
ma el gh'ha cinqu ann, d'on mè loeugh de Suell,
e lu istess asca quell
el trovarà, qualora el le gradissa,
che l'è vin che se bev a pocù el se pissa.