LA COLAZION
Oh Don Peder! - Oh el mè Don Romuald!
Come stal? - Stoo benissim mì, e lu?
Discrettament anch mì - Sentel sto cald?
Marcadetta s'el senti! No en poss pù,
rivi adess dall'offizzi a Sant Calloss
e sont bagnaa che pari staa in d'un foss!
Zà donch, ch'el vegna chì se l'è sudaa,
chì chì, lontan dell'aria, el mè Don Peder.
Grazie, Lu aal giamò cioccolattaa?
Nossignor, ho tovuu on agher de zeder
cont dent on para de bescott del gerlo!
Bravo! Che tomm! La colezion del merlo!
Bottega... el ciccolatt... el fa bell dì,
Don Romuald, a scoeudes i caprizzi,
Lu el guadagna, lu el va de chì e de lì,
ogni tratt el pelucca on quaj offizzi;
ma mì con quella messa di des or
hoo pari a sbatt, no me capponi on borr...
